Dafina Zeqiri dhe Dj Geek u kthyen disa javë më parë në çiftin më të komentuar të showbiz-it, kjo për lidhjen e papritur të dashurisë dhe ndarjen po aq të shpejtë të tyre.
Këngëtarja tregoi se i ishte dashur të zgjidhte mes lidhjes me të dhe karrierës, ndaj vendimi më i mirë i momentetit sipas Dafinës ishte të zgjidhte karrierën.
Megjithatë, duket se dyshja nuk e ka mbyllur përfundimisht dhe ende nuk po kuptojmë ç’po ndodh mes tyre.
Dafina vazhdon “të ngacmojë” ish-partnerin me komente të ndryshme në Instagram, ndërsa nuk mungojnë as momentet romantike mes tyre.
Së fundmi ata kanë shijuar plazhin e bukur të jugut, prej nga ku nuk kanë nguruar të ndajnë foto e video, siç është edhe kjo për shembull.
Postimi i mësipërm ka krijuar disa polemika, pasi fansat po aludojnë se dyshja mund të jetë rikthyer sërish bashkë.
Po ashtu, Geek ka shpërndarë një video me Dafinën, të shtrirë pranë njëri-tjetrit, teksa shijojnë nga një gotë.
Këto postime na kanë bërë të mendojmë se mos ndoshta Geek dhe Duffy janë rikthyer në krahët e njëri-tjetrit dhe s’na kanë treguar gjë.
Mbrëmjen e sotme këngëtarja na i ka çuar në një nivel tjetër dyshimet me deklaratën e saj mbi dashurinë në emisionin “Në kurthin e Piter Pan”.
Autorja e hitit “A je pendu” u pyet nëse është e dashuruar, duke u përgjigjur se është ende pak e dashuruar dhe se ka një dashuri të madhe brenda saj, duke mos e përmendur emra, por s’do mend se cili ia ka vjedhur zemrën.
Jam ende pak e dashuruar se kam dashni shumë të madhe kështu që është ende këtu, brenda meje”, ka pohuar Zeqiri duke shtuar se në fakt do donte të mos dashuronte kaq fortë, pasi më parë ka qenë edhe më ndryshe, megjithatë mendon se tashmë nuk mund të ndryshojë më, duke shtuar se dashuria është nga gjërat më të mëdha, bashkë me muzikën.
E me gjithë këtë dashuri të madhe urojmë të kthehen sa më parë në krahët e njëri-tjetrit, nëse ende s’janë bashkë, sepse për hir të së vërtetës na pëlqejnë shumë si çift.
