Kosova, Shqipëria dhe Mali i Zi janë renditur nga Hungaria në listën e kuqe të vendeve me rrezikshmëri të lartë nga përhapja e virusit.
Ky penalitet vjen pas përkeqësimit të situatës me pandeminë në vend. Sipas masave të reja, hungarezët që kthehen nga vendet e kësaj liste dhe asaj të verdhë do të jenë të detyruar të bëjnë kontrolle dhe të qëndrojnë në karantinë për dy javë, edhe nëse nuk janë të infektuar.
I vetmi përjashtim do të bëhet për ata që kanë dalë dy herë negativë në testin për koronavirus gjatë pesë ditëve të kaluara.
Ndërkohë, Serbia, Bullgaria, Rumania, Portugalia, Rusia, Suedia dhe Britania e Madhe janë vendosur në listën e verdhë, ndërsa udhëtimi nga Kroacia, që është destinacion i popullarizuar për pushime për hungarezët, për momentin, po zhvillohet pa kufizime.
Lista do të përditësohet rregullisht në vijim të situatës me pandeminë. Hungaria regjistron 595 vdekje nga koronavirusi dhe 4,234 të infektuar.
/TCH
