Ata kishin vetëm pak ditë që na kishin prezantuar me historinë e tyre të dashurisë, por ka mjaftuar një detaj i vogël për të na lindur dyshimet, se mes volejbollistes Blerta Ligaj dhe partnerit të saj moderator, Erion Zeqiri, gjërat mund të mos jenë si më parë.
Ka qenë Bleta ajo e cila ka publikuar një foto nga studioja e emisionit Rudina, ku ishte e ftuar bashkë me Erionin, ndërsa shkruan: “Më thanë bëj një foto ta hedhësh kur të ndahesh!”
Ndoshta kjo deklaratë mund të merret në formë shakaje, por sportistja simpatike edhe pse e ndjek ende Erionin, ka fshirë të gjitha fotot me të dhe ka diçka që nuk shkon.
Iconstyle.al ka kontaktuar me Blertën dhe bukuroshja bjonde tha se nuk ka asgjë për t’u shqetësuar. Ajo tregoi se po bën një rifreskim të profilit, dhe Erioni nuk kishte pozuar bukur.
Pak ditë më parë ata kanë qenë të ftuar në emisonin e pasdites tek Rudina, ku kanë folur më gjatë për lidhjen e tyre të dashurisë, njohjen dhe takimin e parë.
Çifti u shpreh se takimi i parë u bë në një kafe dhe nuk pati asnjë propozim sepse çdo gjë erdhi natyrshëm. Madje moderatorja ju vendosi edhe një video ku Blerta shprehej se e ka mbyllur jetën me Erionin.
