Transporti urban do të vijojë punën edhe të hënën e çdo ditë në vijim. Mësohet se Shoqata e Transportit ka anuluar vendimin e marrë një ditë më parë, teksa njoftuan se të hënën e ardhshme do të ndërprisnin shërbimet, pasi pësuan miliona lekë humbje.
Por, tashmë, ky vendim është anuluar dhe autobusët, edhe të hënën, do të jenë në shërbim të qytetarëve.
Një ditë më parë, Shoqata e Transportit Urban njoftoi se lëvizja e autobusëve do të ndërpritet sërish ditën e hënë, vetëm pak ditë pasi nisi aktivitetin e tij. Shkak për këtë rimbyllje, u lajmërua se ishte bërë humbja që kompanitë e transportit kanë pësuar këto ditë që kanë qenë në punë.
Për shkak të masave të marra nga pandemia e koronavirusit, autobusët kanë lëvizur me vetëm 30% të kapacitetit të tyre, duke mos sjellë asnjë të ardhur për kompanitë në fjalë.
