Disa ditë pasi shpalli kandidaturën e tij si president i SHBA, Kanye West ka dhënë një intervistë për Forbes, ku i ka thënë të gjitha, nga ambiciet e tij politike deri te pandemia dhe vaksina kundër Covid-19.
Reperi, 43 vjeç, pranoi se megjithë interesin e tij të papritur për të kandiduar, ai kurrë nuk ka votuar në jetën e tij. Në fakt, ai nuk ishte as një votues i regjistruar deri në 6 korrik.
Kanye mbështet edhe kauzën kundër abortit, pasi publikoi një foto të fetusit 6-muajsh, kur shkruante: “Këta shpirtra meritojnë të jetojnë”! Po ashtu ai bëri edhe disa deklarata të papritur siç ishte fakti se nuk besonte te vaksinat, mes të cilave edhe ajo e Covid-19. (Lexo këtu).
Më pas në mediat ndërkombëtare u raportua se West është në mes të një krize serioze bipolariteti, që ka shqetësuar shumë familjen e tij.(Lexo këtu)
Mirëpo duket se këto deklarata nga reperi kanë ndikuar negativisht në planet e tij për fushatën në zgjidhjet presidenciale të SHBA. Sipas “The Sun”, i gjithë ekipi bashkëpunues ka mbetur pa fjalë nga deklaratat e Kanye, që duket se kanë bërë lëmsh fushatën e planifikuar.
Më e shqetësuar nga gjithë kjo situatë duket të jetë Kim, e cila e ka mbështetur vërtetë shumë të shoqin në këtë hap. Plani i Kim ishte që të merrnin një avokat të kualifikuar, të lobonin një profil të denjë përmes kishës, modës, muzikës dhe familjes.
Kim jo vetëm që është “e zemëruar” por ajo gjithashtu beson se njerëzit në rrethin e tyre kanë “përfituar” nga Kanye gjatë kësaj kohe stresuese për të dhe tani ai ka dalë me të gjitha këto mendime në publik.
“The Sun” vijon më tej artikullin duke thënë se Kim mendon se burri i saj mund të ketë shkuar shumë larg dhe nuk di se çfarë të bëjë. Ajo është shumë e shqetësuar për të dhe ëndrrat e tij për zgjedhjet e vitit 2024.
Sipas familjarëve babai i katër fëmijëve përjeton një periudhë të tillë “një herë në vit”, dhe kjo është ajo që ka nxitur deklaratat e tij gjatë javës së kaluar.
Sjellja e tij kohët e fundit ka shqetësuar familjarët, por ata mbeten të sigurtë se gjendja e reperit do të stabilizohet ashtu si në të kaluarën.
