Ai ka qenë shumë i hapur për çrregullimin e tij bipolar dhe së fundi po raportohet se Kanye West është në mes të një krize serioze, që ka shqetësuar shumë familjen e tij.
Muzikanti, 43 vjeç, mori pjesë në një intervistë për Forbes të mërkurën në të cilën foli për Planned Parenthood, si një organizatë e drejtuar nga “supremacistët e bardhë për të bërë punët e djallit”.
TMZ raporton se Kanye, i cili po kandidon për president, kalon një episod serioz një herë në vit dhe kjo ka ndodhur edhe së fundi kur ai ka marrë vendime të rëndësishme për përfshirjen në politikë.
“Kanye njoftoi se po kandidon për president përmes Twitter gjatë fundjavës, dhe gjithashtu bëri një intervistë të ashpër me Forbes … që u pasua me kritika, konfuzion dhe shqetësim të madh. Burimet tona thonë se familja e tij dhe njerëzit e afërt janë të shqetësuar, por besojnë se gjërat do të stabilizohen siç kanë bërë në të kaluarën”, shkruan TMZ.
Intervista e Kanye-s në Forbes la të kuptohet se reperi nuk do ta mbështesë më Presidentin Trump, partia e tij politike do të quhet The Birthday Party, dhe se pikëpamjet e tij janë kundër vaksinimit (lexo këtu). Ai mbështet edhe kauzën kundër abortit, pasi publikoi një foto të fetusit 6-muajsh, kur shkruante: “Këta shpirtra meritojnë të jetojnë”!
Në vitin 2018, një vit pas diagnostikimit, Kanye zbuloi se nuk po merrte ilaçe për bipolaritetin sepse kjo ndikon në kreativitetin e tij.
Kanye ndonjëherë mund të përjetojë psikozë gjatë periudhave të bipolaritetit, në të cilat ai ka thënë se ndihet paranojak dhe beson se të gjithë i janë vënë pas.
Reperi gjithashtu pohoi se e kishte kaluar virusin COVID-19 në shkurt të këtij viti dhe bënte dush të nxehtë dhe shikonte video për ta trajtuar veten. Ai më pas iu referua çdo vaksine të mundshme të COVID si një përbindësh.
/Daily Mail
