Në Turqi është transmetuar eventi i rëndësishëm dhe shumë i ndjekur “Pantene Altin Kelebek”, ku morën pjesë figura të njohur të ekranit dhe u ndanë disa çmime të rëndësishme për aktorët e serialet më të mirë të vitit.
Jashtë çdo parashikimi, seriali më i mirë i vitit u shpall “Mucize Doktor” (Doktori i mrekullive), i cili së shpejti do të nisë transmetimin në “TV Klan”.
Gjithashtu, çmimin aktorja më e mirë femër e fitoi Ebru Sahin, e njohur si “Rejan” nga seriali i famshëm “Hercai”.
Aktori më i mirë mashkull u shpall Taner Olmez, i cili luan rolin e “Aliut” në serialin “Mucize doktor”.
Çifti më i mirë në serial u shpall Aybuke Pusat dhe Furkan Andiç nga seriali “Her Yerde Sen”, një tjetër serial që pritet të nisë në “TV Klan”.
Titullin seriali më i mirë komedi-romancë e mori “Afili Ask”, i cili është transmetuar në Tring me titullin “A vjen më pas dashuria”.
Dy aktorët kryesorë të këtij seriali, Burcu Ozberk dhe Caglar Ertugrul, fituan edhe çmimet si aktorët më të mirë të serialit komedi-romancë./revistawho.com
