Sikundër ju lajmëruam Tayna ka nisur xhirmet e klipit më të fundit që pritet të publikohet këtë verë!
Reperja e njohur shqiptare ka vetëm pak ditë që është kthyer në Kosovë, pas koncertit të fundjavës në Zvicër dhe që tani ka nisur punën.
Ajo ka publikuar në Instagram, në orën 2 të mëngjesit një foto ku shfaqet në sheshin e xhirimeve të videoklipit të saj më të ri, që thuhet se po filmohet në Mitrovicë.
Kënga do të jetë pjesë e “Friends Entertainment” e krijuar nga Cricket, ndërsa paraqitja e reperes i është besuar Donika Locit për veshje.
Kjo e fundit ka qenë pranë Tayna-s mbrëmë dhe ka publikuar gjithashtu disa pamje nga sheshxhirimi, me drita verbuese, por që sërish nuk mundëm të shohim look-un e reperes.
Mirëpo, të gjithë kureshtjen na e ka shuar pak minuta më parë menaxheri i Taynës, Rinori, i cili ka publikuar në Instastory një foto nga xhirimet, ku shihet me flokët rozë dhe super cool.
Kënga do quhet “Bass” dhe sipas Prive.al do publikohet javën tjetër.
Tayna udhëtoi drejt Zvicrës në kohën kur Kosova kishte kufijtë e mbyllur, për të finalizuar disa projekte mes të cilëve edhe një klip i ri.
Pa mbërritjes së saj në Kosovë, fansat janë në pritje të këngëve të reja, të cilat me sa duken do të jenë hite vere.
Epo, mezi po presim!
https://www.instagram.com/p/CB_FlTdglKJ/?igshid=wlb8qydetkmk
