Njerëzit në kryeqytetin çek, Pragë, ndërtuan një tryezë gati 488 metra dhe mbajtën një gosti masive publike të martën, për të festuar fundin e karantinimit nga koronavirusi të martën.
Banorët dolën dhe darkuan në një tavolinë që niste nëpër rrugët e qytetit e vijonte mbi Urën e famshme Charles, pasi qeveria hoqi kufizimet për tubimet e mëdha.
Republika Çeke ishte një ndër të parat që zbatoi masat shtrënguese në fillimin e shpërthimit global të koronavirusit dhe u bë një nga vendet e para që u tha qytetarëve të saj të vishnin maska – duke shmangur më të keqen e pandemisë për të lehtësuar kufizimet më herët se shumë shtete të tjera.
Kjo bëri që vendasit të uleshin shumë pranë njëri-tjetrit duke hequr dorë nga distanca sociale për të festuar lirinë.
Por Organizata Botërore e Shëndetit ka paralajmëruar se pandemia nuk ka mbaruar, dhe Republika Çeke ende po i ndalon të huajt të kalojnë kufijtë e saj.
“Ne duam të festojmë fundin e krizës së koronavirusit duke treguar që njerëzit nuk kanë më frikë të takojnë të tjerët. Që ata nuk kanë frikë të pranojnë një kafshim sanduiçi nga dikush”, tha Ondrej Kobza, nga lokali në Pragë që organizoi ngjarjen.
Tryezat ishin zbukuruar me mbulesa dhe lule të bardha, dhe banorët e zonës u dëfryen duke ngrënë dhe duke pirë teksa dielli perëndonte.
Një vend me rreth 10 milionë banorë, Republika Çeke pati rreth 12,000 raste të konfirmuara me Covid-19 dhe 349 vdekje, sipas të dhënave nga Universiteti Johns Hopkins. Këto shifra janë relativisht të ulëta në krahasim me disa nga fqinjët e afërt evropianë.
/CNN
