Të gjithë e mbajnë mend çiftin Arjon-Viola. Dyshja u bë e njohur kur Arjoni doli nga Big Brother. Ndarja e tyre gjithashtu ishte e bujshme, megjithatë, ish-velina ka arritur të rigjejë dashurinë dhe të ndihet mirë për partnerin që ka në krah.
Viola Spiro ka më pak se një vit që po përjeton një lidhje të bukur, madje të dashurin e ka publikuar edhe në profilet e saj sociale, por akoma nuk e ka shpalluar, sepse lidhja ende nuk është zyrtarizuar: “Jam prej një viti në një lidhje, ende s’është bërë një vit kalendarik të paktën, se mua më duket më gjatë se një vit, edhe pse si njohje daton shumë më herët…” – tregon Viola në një intervistë për “Inlife”.
Ajo tregon se i dashuri i saj nuk është personazh i njohur për publikun, ndërsa shton se kjo i pëlqen më shumë tek ai:
“Ai nuk është fare personazh i njohur dhe kjo është ajo që më pëlqen më shumë këtë herë. Ndryshe nga një lidhje e gjatë që kam pasur më parë…. Ai ishte personazh i njohur dhe, duke qenë i tillë, me kalimin e kohës, personazhet rriten dhe krijohen konflikte…”, rrëfen Viola.
Edhe pse sot është prezantuese në një emision sportiv, Viola është shprehur se e ardhmja e saj nuk është televizioni:
“Nuk e kam të qartë se çfarë do të bëjë në karrierën time”, tregon prezantuesja bukuroshe, “Edhe vitin që lamë pas kisha ndërmend të largohesha, megjithatë erdhën ofertat që më mbajtën edhe për një tjetër sezon televiziv. Familja ime ka në Korçë disa biznese, dhe ndoshta do të merrem me manaxhimin e tyre, meqënese kam mbaruar edhe për financë”, shton Viola. “Ndoshta një ditë largohem, por rikthehem prapë, asgjë nuk është e sigurt”.
