Nga kjo e hënë më 22 qershor do të rihapet transporti detar por vetëm për dy kategori personash.
Autoriteti Portual Durrës ka sqaruar qytetarët se nga sot do të udhëtojnë vetëm shqiptarët rezidentë në Itali dhe shtetasit e huaj që dëshirojnë të udhëtojnë drejt porteve italiane.
Ndërkohë për të gjithë qytetarët e tjerë shqiptarë, transporti detar do të hapet nga 1 korriku, nëse BE vendos të hapë kufijtë në datën që ka përcaktuar.
“Mbi rikthimin e transportit detar të pasagjerëve, sqarojmë së: Faza 1: Nga nesër shtetasit Shqiptarë me rezidencë të përhershme në Itali (soggiorno), dhe shtetasit e BE-së, do mund të udhëtojnë lirshëm nga Durrësi drejt porteve italiane. Faza 2: Bazuar në dispozitat aktuale të BE-së (dhe urojmë mos të këtë surpriza): nga data 1 korrik 2020, transporti detar i pasagjerëve drejt Italisë do të jetë i hapur për të gjithë shtetasit Shqiptarë”, shkruan Autoriteti Portual Durrës.
Drejtoria e Përgjithshme Detare dhe vetë kompanitë e transportit, do të merren me monitorimin e respektimit të protokollit anti COVID, ku theksohet se pasagjerët duhet të jenë të pajisur me maska dhe të respektojnë distancën.
