Me sa duket gjërat në marrëdhënien e Kim dhe Kanye West, nuk janë ashtu siç duken.
Pak ditë pasi u lajmërua se ata po zihen çdo ditë e më shumë dhe raporti i tyre është ftohur, Kim Kardashian bëri një postim që hodhi poshtë çdo thashethem.
Ajo ka publikuar një foto ku shfaqet me partnerin reper, ndërsa i uron shumë ëmbël ditëlindjen atij.
“Gëzuar ditëlindjen mbreti im”, shkruan Kim në Instagram.
Jo më larg se javën e kaluar u bë me dije se edhe pse jetojnë në të njëjtën shtëpi, ata nuk shihen fare dhe secili sheh punën e vet. (lexo këtu).
Madje, “The Sun” shkruante se Kim Kardashian po mendon që të largohet nga shtëpia dhe çifti të jetojnë të ndarë.
Burimi pranë Kim Kardashian i ka thënë “The Sun” se ajo nuk do vërtet që të shkojnë drejt divorcit, prandaj e sheh këtë si një zgjidhje të mundshme.
“Gjëja e fundit që ajo dëshiron është një divorc, sidomos që reagimi i publikut pas divorcit të dytë ishte i padurueshëm. Ajo që unë mendoj se do të ndodhë është se ata do të kalojnë kohë larg njëri-tjetrit, në shtëpi të ndryshme, por jo divorc”, është shprehur burimi.
Por postimi i fundit mund të merret si reagimi i vetëm i Kim për këto fjalë! Ajo shfaqet e lumtur në krahët e reperit dhe kjo na bën të mendojmë se gjërat mes tyre mund të jenë rregulluar, ose fundja: Kush tha që kanë qenë keq?!
