Lajmi se Agron Llakaj do të kthehet në “Portokalli” bëri xhiron e mediave javën që shkoi, por ka qenë ai vetë që i ka mohuar këto fjalë duke u shprehur se eksperiencën me këtë spektakël e ka futur përjetësisht në kornizë.
Por çfarë do të ndodhë me “Al Pazar” sezonin e ardhshëm?
Burime për “Panorama Plus” bëjnë me dije se ky emision është vënë ne pikëpyetje dhe nuk i dihet nëse do të fillojë në shtator. Thuhet se Agron Llakaj nuk i ka aspak punët mirë me “Vizion Plus” dhe ai po mendon që këtë emision ta çojë në një televizion tjetër.
Sipas burimeve brenda këtij televizioni, autori ka më shumë se 24 orë që është në dilemë. Llakaj ka nisur telefonatat me aktorët e humorit që ai ka njohje, për organizimin e një trupe sa më të kompletuar në televizionin tjetër ku ka plan të shkojë.
Prej 8 vitesh, “Al Pazar” është spektakli i së shtunës në “Vizion Plus”, që është pëlqyer shumë nga publiku.
Ndërkohë, Llakaj para pak ditësh ka pranuar që ka patur oferta të shumta që “Al Pazar” dhe “Fake Off” nga televizionet e tjera, por për të mësuar se çfarë do të ndodhë me të prej shtatorit, do të duhet të presim edhe pak.
