Është lënë i lirë shefi i policisë së Fushë Arrëzit pasi sipas prokurorisë, nuk ka prova të mjaftueshme që e shpallin fajtor Izmir Durakun.
Ai është lënë i lirë nga policia dhe është larguar nga ambientet e paraburgimit, pasi prokuroria e cilësoi si të paligjshëm arrestimin.
Mbrëmjen e djeshme, u bë e ditur se 27-vjeçarja denoncoi përdhunimin e 5 viteve më parë nga Izmir Duraku.
Arestimi erdhi pas denoncimit të bërë nga programi “Dua të të bej të lumtur”, ku sot do të ndjekim rrëfimin e vajzës e plotë të vajzës.
Në 2015-ën ajo kishte shkuar në komisariatin e Fushë Arrëzit për të denoncuar përdhunimin që i kishin bërë disa persona në 2015 nga punonjës të shtëpisë së fëmijës në Shkodër, por aty Shefi i Komisariatit Fushë Arrëz, Izmir Duraku e ka përdhunuar në ambientet e Komisariatit.
Denoncimin, vajza e ka bërë ditën e premte në praninë e psikologut, duke bërë që Shërbimi i Çështjeve të Brendshme dhe i Ankesave (SHÇBA) të bëjë ndalimin e policit Izmir Duraku, ndaj të cilit thuhet se ka prova të forta kundër tij.
Izmir Duraku është pjesë e policisë prej vitit 2000, ndërsa një vit e gjysmë më parë u dërgua nga specialist krimesh në Shkodër në shef komisariati në Fushë Arrëz.
Ai u akuzua edhe tre vite më parë nga mbesa e shkrimtarit Martin Camaj, Vera Camaj, e cila denoncoi në media se shkoi të kërkonte ndihmë në Komisariatin e Policisë së Fushë-Arrëzit, pasi ishte dhunuar nga bashkëshorti i saj, por ai i kishte kërkuar favore seksuale për t’i dhënë urdhrin e mbrojtjes.
/Shqiptarja.com
