Alban Skënderaj është treguar gjithmonë modest, por këtë herë nuk i ka rezituar dot krenarisë që ndjen kur shikon arritjet e tij më të mëdha.
Kantautori i njohur ka publikuar një video me të gjitha trofetë e tij, të cilat siç thotë ai, i kishte harruar nëpër kuti duke i injoruar pa ju dhënë shumë rëndësi.
Albani shprehet se secili prej këtyre çmimeve përfaqëson një emocion dhe një kujtim për netët e punës dhe dedikimin.
Ai falenderon fansat në Kosovë e Shqipëri dhe shqiptarët kudo që ndodhen që e kanë mbështetur gjithnjë.
Shkrimi i tij i plotë:
“Gjithmone mundohem ne jete te jem modest e flas midis punes time ndaj dhe kete video nuk e bera per tu lavderuar por ne nje çast nostalgjie. Nga komplekset qe vijne bashke me manine e modestise i kam mbajtur gjate ne vite neper kuti duke i injoruar e pa ju dhene shume rendesi. Tani qe i nxorra ne drite dhe shplurosa pjesen me te madhe nga pluhuri i kohes duhet te pranoj qe me japin nje ndjesi te mire e me bejne te ndihem krenar per arritjet dhe per artin qe jam munduar t’i ofroj vendit tim. Dihet tashme qe me shume e shkuara fiton hapsire ne jeten tende e me shume behesh i ndjeshem ndaj detajeve qe e perfaqesojne. Une luftoj me veten te fokusohem vetem tek e tashmja por secili prej ketyre cmimeve perfaqeson nje te tashme te dikurshme, nje emocion, nje kujtim dhe patjeter ore e ore, dite e nete pune dhe dedikim. Shqiperi, Kosove e kudo ku ka shqiptare faleminderit qe me keni mundesuar kete udhetim fantastik i cili patjeter ka patur e do kete uljet e ngritjet e veta por me e rendesishmja eshte te jemi bashke deri ne fund”!
Këngëtari Alban Skënderaj dhe producenti i njohur Elgit Doda po bashkëpunojnë së fundmi për një projekt që do të vijë shumë shpejt.
Ata do të sjellin një këngë të re që do të na shoqërojë gjatë muajve të verës, ndërsa ne po presim me padurim ta dëgjojmë.
