Futbollisti i njohur Cristiano Ronaldo është baba i katër fëmijëve. Ai ka dy djem e dy vajza, dy prej të cilëve janë binjakë. Sot binjakët, Eva dhe Mateo festojnë ditëlindjen e tyre të tretë.
Partnerja e tij Georgina Rodriguez ka postuar një foto tepër të veçantë të familjes së madhe në këtë ditë të shënuar për ta.
Në foto duket futbollisti i veshur si personazhi i filmit vizatimor Aladin dhe Georgina si Jasmine. Fëmijët gjithashtu janë veshur si personazhë vizatimorë dhe aty duket sikur ndodhen në një botë përrallash. Ajo së bashku me foton ka publikuar një urim të gjatë me fjalë zemre.
“Familja është aty ku fillon jeta dhe dashuria nuk mbaron kurrë. Sot ne po festojmë për Evën dhe Mateon. Yjet tanë të vegjël sot janë 3 vjeç. Lutja ime e përditshme është falenderimi dhe mirënjohja ndaj Zotit për kujdesjen ndaj nesh, për të na dhënë shëndet, dashuri dhe duke na mbajtur të bashkuar. Te dua familje. PS: Le të shohim kush i shpjegon Alanës se nuk është ditëlindja e saj… Ne e kemi provuar por ajo mendon që e ka edhe ajo, Epo, çdo ditëlindje në këtë shtëpi ne e ndjejmë si tonën, madje edhe të rriturit.”- uron ajo binjakët.
https://www.instagram.com/p/CBDMxvoKZxw/
Foton e kanë pëlqyer me mijëra persona, gjithashtu dhe komentet janë nga më të ëmblat duke i uruar vogëlushëve 3-vjetorin e lindjes.
Bukuroshja shpeshherë ndan foto me të vegjlit e saj ku të gjithë duken tepër të lumtur së bashku. Ajo duket që e shijon kohën që kalon me ta sepse dhe vetë është shprehur që fjala më e preferuar është kur fëmijet e saj e thërrasin “mama”.
