Abaz Doka, 65 vjeç përdhunoi për 3 vite një 15-vjeçare dhe videon e aktit intim e kishte shpërndarë me tre të rinj, të cilët e shantazhonin vazhdimisht atë të kryente marrëdhënie seksuale edhe me ta.
Babai i të miturës tregoi se Abazi ia ka ngacmuar të bijën që kur ishte e vogël, në klasë të gjashtë, por për përdhunimin e ka marrë vesh pasi fqinji i tyre shpërndau videon. Për një kohë të gjatë, Abazi shkruante në mure “Sa** K*va” derisa e reja u dorëzua dhe kreu marrëdhënie seksuale me të.
Vajza është në gjendje të rëndë psikologjike dhe nën asistencë të qendrës ARSIS ka dhënë dëshminë e saj për gjithë ngjarjen.
Ndërkohë, Doka është shfaqur sot me kokën ulur në sallën e gjyqit, së bashku me njërin prej bashkëpunëtorëve të tij.
Mësohet se asnjëri prej tyre nuk ka folur në sallë, ndërsa gjykata nuk ka pranuar as masën më të butë që kanë kërkuar avokatët mbrojtës.
Gjykata e Tiranës ka dhënë masën “arrest me burg” për rojen e shkollës dhe 3 të rinjtë e akuzuar për përdhunimin e minorenes.
