Një e moshuar ka ndërruar jetë në orët e para të mëngjesit të sotëm në Durrës, pasi banesa ku jetonte është përfshirë nga flakët.
Ngjarja ka ndodhur rreth orës 4 të mëngjesit në lagjen 9 në një apartament në katin e dytë të një pallati.
Dashurie Koçi, 75 vjeçe, jetonte e vetme në banesë dhe shkak i zjarrit mësohet se ka qenë një cigare e ndezur e harruar nga e moshuara.
Viktima mësohet se kishte dy vajza që jetonin jashtë, njëra në Itali dhe tjetra në Amerikë.
Policia e mbërritur në vendngjarje ka nisur hetimet për zbardhjen e plotë të rastit.
/Ora News
