Pak më parë ka nisur protesta e qytetarëve për shembjen e Teatrit Kombëtar.
Pas dy vitesh përplasje, Teatri Kombëtar u shemb në orët e para të mëngjesit të ditës së djeshme nga fadromat e Inspektoratit të Mbrojtjes së Territorit.
Shembja e tij e turpshme në 04:30 të mëngjesit solli përplasje mes artistëve, dhe qytetarëve të thjeshtë protestues me forcat e policisë.
Përpara Ministrisë së Brendshme janë grumbulluar protestuesit, të cilët monitorohen nga mbi 1 mijë forca policie.
Një pjesë e përfaqësuesve të teatrit do të mbajnë fjalime.Disa prej artistëve kanë akuzuar përgjegjësit për tentativë vrasjeje, pasi pretendojnë se një pjesë e tyre ka qenë brenda gjatë shembjes.
Artistët kërkojnë që të ndërpritet shembja dhe teatri të rindërtohet sërish.
Në protestë kanë nisur edhe përplasjet e para mes demonstruesve.
Përplasjet nisën sapo në protestë mbërriti kreu i PD-së, Lulzim Basha, ndërkohë që regjisori Edmond Budina mbante fjalimin e hapjes.
Përveç aktivistëve, pjesë e protestës për teatrin janë bërë edhe mbështetës të PD-së dhe LSI-së.
