Qëndresa e disa qytetarëve për shembjen e Teatrit me sa duket ende po vazhdon.
Në rrugën “Myslym Shyri”, disa të rinj kanë kundërshtuar urdhrin e policisë për t’u shpërndarë dhe janë ulur këmbëkryq në mes të rrugës në shenjë proteste për shembjen e Teatrit Kombëtar.
Mësohet se policia ka negociuar për rreth 20 minuta me ta, por kur nuk ka gjetur dot dakordësi ka ndërhyrë me forcë.
Kanë qënë Forcat e Ndërhyrjes së Shpejtë ata që kanë larguar protestuesit. Fillimisht u përdor spray me piper ndaj protestuesve. Këta të fundit iu përgjigjën me sende të forta, e pas konfrontimeve policia i neutralizoi.
U dëgjuan, ulërima dhe lot mes të rinjve që bënin rezistencë. Disa prej tyre janë lënduar.
Përplasja vijon prej disa minutash, ndërsa deri më tani janë shoqëruar në mënyrë të dhunshme në komisariat një numër i madh protestuesish.
