Dafina Zeqiri ka menduar sesi të na i bëjë më pak të mërzitshme karantinën.
Për të na i lehtësuar paksa ditët në izolim, këngëtarja e famshme ka sonte një surprizë të bukur për publikun shqiptar.
Dafina do të na shoqërojë sonte me tingujt e muzikës së saj, duke kënduar live nga shtëpia.
Këngëtarja do vijë e shoqëruar nga Arlind Haxha me kitarë.
Koncerti i Dafinës është pjesë e aktiviteteve për Ditën e Europës 2020 në Kosovë.
“Dafina si asnjëherë më parë”, ka shkruar faqja zyrtare “Europe House Kosovo”
Këngëtarja do të performojë nga ora 19:00 dhe ky koncert vjen pak ditë pas koncertit që e mbajti Alban Skënderaj.
Prandaj bëhuni gati dhe ju nga shtëpia për të kërcyer dhe për të shijuar performancën e Dafinës.
