Kryeministri Edi Rama ka lajmëruar rregullat e fundjavës, ku si herën e kaluar edhe kësaj radhe dalja e këmbësorëve do të bëhet me dy fasha:
Deri në orën 09.30 vetëm pensionistët dhe nga ora 10.30 deri në 17.30 prindërit me fëmijët deri në 14 vjeç.
Kështu, trashëgimtarja e “Top Channel”, Sara Hoxha, ka përfituar nga ky rregull për të shijuar sot shëtitjet në kryeqytet me të voglin e saj.
Në InstaStory, ajo ka ndarë me ndjekësit një foto të karrocës së të birit, Roman, të cilit i duken vetëm këmbët.
Nënë e bir po shëtisin në Tiranë teksa shijojnë rrezet e diellit, pasi dita është e gjitha dedikuar atyre.
Sara u bë nënë për herë të dytë në muajin tetor të vitit që lamë pas dhe gjithmonë është munduar të tregohet diskrete përsa i përket portretit të të voglit, që të gjithë jemi kuriozë ta shohim.
Megjithatë, në rrjete sociale nuk mungojnë poza të ëmbla të Roman-it, i cili është kthyer në personazhin kryesor të llogarisë së saj në Instagram.
