Ylli Ndroqi njihet për stilin e jetesës që bën për të tërhequr vëmendjen. Disa prej nesh na kujtohet momenti i përvjetorit të ditëlindjes së djalit të tij të vogël, Yldon Ndroqi, festë e cila u transmetua live dhe u përfol shumë në media.
Shumë evente, rëndësia e të cilave lindte diskutime në media dhe së fundmi mbështetja e tij me bashkëshorten për Kombëtaren në Francës, pa dyshim që u pasqyruan në median e tij.
Pronari i RTV “Ora News” tashmë kaq bërë një tjetër veprim për të fituar vëmendjen e publikut. Vendosi ta kthejë Pallatin e Kongreseve në një sallë martesore.
Burime për “ICONstyle.al” bëjnë me dije se, Redon Ndroqi, djali i tij nga martesa e parë, do të kurorëzohet në martesë me të fejuarën e tij në Pallatin e Kongreseve.
Dasma do të jetë shumë e madhe, ndërsa çifti Ylli dhe Mimoza Ndroqi kanë nisur tashmë përgatitjet. Nga të njëjta burime mësojmë se dasma do të organizohet me një orkestër live, ndërsa të ftuar do të jenë nga familjarët te drejtuesit më të lartë të shtetit, përfshirë Presidentin. Ndërkohë që prania e këtyre të fundit ende nuk është konfirmuar.
Një tjetër detaj që zbulon “ICONstyle.al” është se, nusja Miriam prej disa kohësh ka nisur blerjet në dyqanet më në zë të Austrisë dhe Francës nga këpucët, fustani i nusërisë dhe deri te veshjet e brendshme. Çifti është njohur së bashku ndërsa, Redoni studionte në Armeni.
Redoni dhe partnerja e tij nga Armenia, kanë përfunduar një set fotografik në Francë, me rastin e martesës së tyre që pritet të zërë vend së shpejti në një ndër vendet me më shumë histori të Tiranës. Për detajet presim ditën e madhe të tyre!
*Shfleto galerinë
Burimi: ICONstyle
