Rudina Dembacaj dhe Mark Frroku po e kalojnë bashkë me familjen e tyre karantinën dhe na duhet të themi që gjatë kësaj kohe kanë qenë tepër aktivë në rrjetet sociale.
Pas videove ku Marku gatuante apo bënte punë shtëpie, Rudina ka publikuar një foto ku shfaqen të dy duke pirë nga një cigare për qejfin e tyre dhe aq deshën ndjekësit.
“Duhani dëmton rëndë shëndetin, të zverdh dhëmbët, vjen erë e keqe, të hap barkun! Mos e pini. ?”, shkruan ajo në postimin e saj duke iu paraprirë komenteve të njëjta nga ndjekësit.
E megjithatë kjo foto u ka ngacmuar imagjinatën disa ndjekësve të cilët e kanë kritikuar moderatoren sikur të kenë bërë ndonjë krim.
Ka dhe nga ata që i kujtojnë zakonet e Veriut të Markut dhe i thonë Rudinës të bëjë kujdes pasi do ta ndërrojë:
“Burrat e Veriut e kanë zakon me ndërru kutinë e duhanit, mos të vijë keq kur ta ndërrojë me naj kuti, me duhan ma të mirë, e me naj kutie duhani ma të pashëm??”, i shkruan një ndjekës.
Por Rudina nuk ia ka lënë mangut komentin:
“Po e gjeti më të mirë, s’më vjen keq fare. Po unë nuk jam aspak kuti o bos. Po të më njihje, do ta kuptoje. ?”.
