Për të mbushur monotoninë e ditëve të izolimit, Rezarta Shkurta dhe Ermal Hoxha kanë menduar ta bëjnë vajzën e tyre, Herën, me një shok.
Ata kanë “mirëpritur” një qengj në shtëpi, i cili është pjesëtari më i ri i familjes së tyre.
Më e lumtura nga kjo surprizë duket Hera, videon e së cilës mami Rezarta e ka ndarë me ndjekësit e saj në InstaStory.
E vogla vrapon pas qengjit dhe duket se e dashuron që tani pjesëtarin e ri të familjes, i cili do të mbushë ditët e saj.
“Pjesëtari i ri i familjes”- shkruan Rezarta krahas videos, duke e shoqëruar me një zemër të kuqe.
Në fakt, të gjithë jemi kuriozë të dimë se kur do të shtohet familja e tyre me një bebush, mirëpo këngëtarja ka treguar se një tjetër fëmijë nuk është në planet e tyre të tanishme.
Ajo dëshiron të shijojë më shumë kohë me bashkëshortin dhe Herën, para se të sjellë një tjetër bebush në shtëpi.
