Në nëntor të vitit 2018, reperi Tekashi 6ix9ine u fut në burgun më të famshëm të Brooklyn-it, i njohur për mbajtjen pas hekurave të njerëzve “jashtëzakonisht të rrezikshëm, të dhunshëm, ose të prirur për arratisje”.
6ix9ine, emri i të cilit është Daniel Hernandez, u arrestua pas akuzave për shantazh dhe posedim të armës së zjarrit, nga gjykata federale e Manhattan-it.
Ai rrezikonte minimumi 32 vite burg dhe maksimumi burg të përjetshëm, mirëpo, gjatë gjyqit reperit iu ul dënimi për shkak të bashkëpunimit për të kapur disa nga ish-bashkëpunëtorët e tij të bandës “Nine Trey Gangsta Bloods”.
Gjykata vendosi për reperin vetëm 2 vite burg dhe mbikqyrje për 5 vite pas daljes nga burgu.
Mirëpo, 6ix9ine kërkoi të lirohej së fundmi për të shmangur infektimin me koronavirus sepse klasifikohej si një i burgosur “i prekshëm”.
Avokati i tij tregoi në fillim të muajit prill se reperi po lirohej, pasi ai ishte diagnostikuar me bronkit dhe sinozit në fund të vitit të kaluar dhe ishte shtruar në spital për t’u trajtuar nga dy sëmundjet.
Për më tepër, avokati Lance Lazzaro tha që Hernandez kishte përjetuar një kollë dhe zyrtarët e burgut nuk po e lejonin të shihte një mjek.
6ix9ine e ka kaluar pjesën tjetër të dënimit në shtëpi, ndërsa mbrëmjen e sotme është rikthyer në Instagram.
Ai ka lajmëruar ndjekësit e tij në një postim në InstaStory se do të rikthehet me shumë mundësi me një projekt të ri.
“Jeni gati? 8 maj”- shkruan reperi pa dhënë më tepër detaje, duke i bërë të gjithë kuriozë për rikthimin e tij.
