Është dënuar me burgim të përjetshëm babai shqiptar Aleko Petro, i cili në janar të vitit 2019 vrau vajzën e tij dhe më pas e groposi në oborrin e banesës ku jetonin në Korfuz.
Gjykata në Thesproti dënoi 52-vjeçarin edhe me 30 muaj burg dhe 1 mijë euro gjobë për mbajtje pa leje të armëve të zjarrit.
Në gjykatë ishin të pranishëm partneri i vajzës dhe vjehrra e saj, ndërsa e nëna, e cila jeton në Berat nuk mundi të ishte e pranishme në Gjykatë për shkak të koronavirusit.
Angjeliqi Petro 28 vjeç u vra me levë nga babi i saj në 1 janar 2019, pasi nuk pranonte që të ndahej nga miku i saj një emigrant nga Afganistani. Gjatë sherrit, Anxhelina u hodh nga dritarja për t’i shpëtuar të atit, por ai e ndoqi me një shufër hekuri në dorë, dhe e goditi për vdekje për ta varrosur më pas në të njëjtin vend.
Ishte miku i saj, me të cilin Petro jetonte prej kohësh ai i cili kishte lajmëruar policinë për zhdukjen e saj. Babai i 28-vjeçares fillimisht nuk e pranoi, por më pas ka pranuar krimin dhe ka treguar vendin ku e kishte varrosur.
