Koronavirusi ka prekur edhe bizneset e personazheve të famshëm duke përfshirë këtu edhe këngëtarin britanik Ed Sheeran dhe ikonën e modës Victoria Beckham, të cilët janë detyruar të mbyllin bizneset e tyre.
Nëse po pyesni se çfarë po ndodh me punëtorët e tyre, dimë t’ju themi vetëm që “heroi” në këtë mes po del Ed Sheeran.
Ai ka mbyllur klubin e tij Notting Hill në Londër, për sigurinë e stafit dhe nuk i ka kërkuar shtetit të dëmshpërblejë punëtorët e tij me pagë lufte. Ai ka vendosur që të përdorë pasurinë e tij për të paguar stafin dhe ata do të marrin rrogën e plotë, e cila është minimumi 2500 paund.
Ndërkohë nga ana tjetër Victoria Beckham ka vepruar ndryshe, e cila është kritikuar ashpër. Ikona e modës ka vendosur që punëtorët e saj të dalin të punojnë në këtë periudhë delikate, por nuk pranon që t’i paguajë ajo, por po i kërkon shtetit pagë lufte.
Ky veprim i Victoria Beckham, e cila numëron një pasuri prej 355 milion paund, nuk është pritur shumë mirë.
