Lajme shumë të mira për të gjithë fansat e aktores së njohur Lea Michele. Sipas revistës “People” aktorja e serialit “Glee” është në pritje të ëmbël dhe do të bëhet nënë për herë të parë.
Ka kaluar vetëm një vit që kur këngëtarja dhe aktorja u martua me Zandy Reich, ekzekutivin e njohur të modës dhe mesa duket familja e tyre do të zgjerohet.
Ende nuk dihet gjinia e fëmijës apo sa muajshe mund të jetë Michele.
Lea Michele në vitin 2018 për “UsWeekly” u shpreh që nuk e kishte në plan të bëhej nënë, por gjërat paskan ndryshuar për aktoren 33 vjeçare. “ Unë jam akoma duke luajtur role që janë nën 21 vjeç, kështu që unë dua ta shtyj për aq kohë sa të mundem. Të kesh një fëmijë mund të jetë rrëmujë për mua”, është shprehur asokohe Lea.
Por në tetor aktorja ndryshoi mendim pasi u shpreh se mezi pret që të veshë edhe fëmijët e saj me kostum Halloween.
