Një ditë më parë ka nisur prishja e shkollës “Sami Frashëri” dhe sigurisht të gjithë që kanë mësuar aty po e kujtojnë me nostalgji.
Një prej tyre është edhe moderatorja dhe këngëtarja e njohur, Klea Huta, e cila ka kujtuar me anë të disa fotove periudhën e saj të gjimnazit.
Në një prej tyre, ajo tregon se i mungon shumë gjimnazi, miqtë dhe të gjitha kujtimet që ka në atë shkollë.
“E kujtoj si periudhën më të bukur të jetës time. Kujtimet më të bukura, koha ku u rrita dhe u maturova, koha ku krijuam miqësitë e vërteta, ato që zgjasin edhe sot”, shkruan moderatorja ndër të tjera.
Në fotot e tjera ajo tregon si dukej në atë periudhë dhe shihet se flokët kanë qenë gjithmonë pika e saj e dobët.
Por, tani kanë kaluar disa vite dhe Klea do të bëhet nënë për herë të parë.
Moderatorja është në fund të pritjes së ëmbël dhe pritet që shumë shpejt të sjellë në jetë një djalë.
