Ashtu si çdo dotë, edhe sot kryeministri Rama ka dalë në një video live në Facebook ku ka bërë të ditura ndryshimet e reja në kuadër të ludtës me pandëminë COVID-19.
Pasi njoftoi se izolimi do të vijojë edhe këtë fundjavë (lexo këtu), Rama i është përgjigjur edhe personave të shumtë që e kanë pyetur në rrjetet sociale mbi mundësinë për të dalë për të shëtitur kafshët shtëpiake.
Mesa duket, kryeministri e paska marrë parasysh këtë shqetësim, pasi ka bërë të ditur se së shpejti do të ketë një leje të posaçme pikërisht këtë kategori.
“Është edhe kjo dicka që kam marrë shumë ankesa të drejta nga njerëzit që kanë qen, kanë një lidhje të tyre me kafshët. Për kafshët do ketë një platformë një autorizim specific, brenda ditës së nesërme do jenë të gjitha të konsoliduara te E-Albania”- është shprehur kryeministri.
Sakaq, përsa i përket lehtësimit të masave, Rama deklaroi se në disa zona me rrezikshmëri më të ulët do të rifillojë lëvizja, ipor kjo nuk ërfshin Tiranën ku çdo ditë paraqiten raste të reja të infektimit.
“Nga fillimi i javës tjetër do ketë relaksim më të madh në disa zona të vendit, jo në Tiranë, ku ka shumë popullatë. Do lejohet lëvizje e relaksuar ku ka risk të ulët. Qarku Gjirokastër e qarku Dibër do jetë zonë që do ketë më shumë lehtësim lëvizjesh, edhe Divjaka, Saranda, Himara do kenë liri lëvizjeje. Pogradec, Përrenjas e Librazhd janë po ashtu zona me rrezik të ulët.”-u shpreh Rama.
