Presidenti i Republikës së Kosovës, Hashim Thaçi, i është nënshtruar një ndërhyrjeje kirurgjikale në Klinikën e Urologjisë në Shërbimin Spitalor Kliniko-Universitar të Kosovës.
Sipas personelit mjekësor, operacioni ka qenë i suksesshëm dhe presidenti është nën kujdesin e vazhdueshëm të personelit mjekësor profesional, shkruan Telegrafi.
“Pas përfundimit të këtij intervenimi, presidenti Thaçi është shprehur mirënjohës për profesionalizmin dhe kujdesin e stafit profesional në Klinikën e Urologjisë dhe në tërë SHSKUK-në”, thuhet në njoftimin e presidencës.
Thaçi u shtrua me urgjencë në spital vetëm dy ditë më parë, ku iu nënshtrua analizave mjekësore nga stafi i Urologjisë, aty ku diagnostikohen dhe trajtohen sëmundje dhe çrregullime të traktit urinar.
Lajmi vjen në një kohë që vendi po përjeton shpërthimin më të keq të epidemisë së koronavirusit, me 19 viktima dhe 630 të infektuar deri më sot.
/Iconstyle.al
