Bashkëshortja e kandidatit republikan për Shtëpinë e Bardhë, Melania Trump, duket se ka përdorur një pjesë të mirë të fjalimit të Michelle Obamës në konventën e së hënës.
Fjalimi i zonjës Trump në podiumin e Konventës Kombëtare Republikane, ngjan shumë me atë të Zonjës së Parë, Michelle Obama, mbajtur në konventën e vitit 2008.
Rrjetet sociale kanë shpërthyer me batuta sot, për mesazhet që Melania mundohej të jepte, ndërkohë që ishin të gjitha identike me ato të Zonjës së Parë.
Ndër të parët që ka reaguar për këtë gafë, ka qenë shkruesi i fjalimeve të Obamës, Jon Favreau, i cili ka thënë me shaka se ndihej po aq i ofenduar nga fjalimet e tjera, sa paragrafët e plagjiarizuara të Melania-s.
Videoja e mëposhtme i ka krahasuar dy fjalimet:
