Ajo është një ndër modelet më të suksesshme në botë. Por edhe “yjet e pasarelave” kanë ditët e tyre kur duken tepër të zakonshme dhe kazuale. E tillë ishte dita e pushimit në Itali, këtë të diel për modelen Irina.
Bukuroshja 30-vjeçare është fotografuar me të dashurin Bradley Cooper në liqenin Garda, ku ajo u dallua me një “aksesor” tepër të çuditshëm në formën e një kapeleje në kokë. Në një vështrim më të afërt, u zbulua se Irina kishte vendosur një letër alumini, për t’i mbrojtur flokët pasi kishte bërë një trajtim të thellë të tyre.
Për fat të mirë, edhe pse flokët e saj qëndronin të fshehur, modelja dhuroi një pamje fantastike me bikinit e saj në ngjyrë të zezë, që nxirrnin në pah trupin e saj të tonifikuar. Pranë 30-vjeçares ishte edhe i dashuri i saj, aktori Hollivudian Bradley Cooper, i cili kishte zgjedhur një veshje jo shumë të guximshme, një kostum sportiv dhe një palë syza.
As Bradley dhe as Irina nuk ka folur publikisht për lidhjen e tyre, por duket se lidhja është bërë tashmë serioze, pasi modelja e ka takuar nënën e të dashurit, me të cilën ai është shumë i afërt, shtatorin e kaluar.
