Në kushte karantine, këngëtarja Dafina Zeqiri ka festuar sot 31-vjetorin e lindjes së saj.
Në një postim në Instagram, ajo ka treguar si e ka pritur këtë ditëlindje, e cila është shumë ndryshe nga çdo herë tjetër.
Pak para se akrepat të shënonin 00:00, këngëtarja ka qenë duke u stërvitur për të ruajtur format e saj, ndërsa ka publikuar edhe një video me momentet e saj më bukura nga përditshmëria, pushimet e koncertet e shumta.
https://www.instagram.com/p/B-776RzhxFU/
Në këtë ditë speciale, Dafinës s’mund t’i mungonte edhe një urim nga personi i saj i zemrës, Dj Geek.
Ai ka publikuar në InstaStory një foto me këngëtaren gjatë pushimeve të tyre së bashku, ndërsa krahas saj e uron me fjalë të ëmbla:
“Në këtë ditë speciale, ngre një dolli për ty dhe jetën tënde. Gëzuar ditëlindjen”- shkruan Dj Geek, i cili prej disa kohësh po shijon romancën me Dafinën.
