Të paktën një herë në karrierën e tyre, shumica e personazheve VIP (kryesisht femra), janë akuzuar për photoshop në fotot e tyre.
Diçka e tillë i ka ndodhur disa herë edhe këngëtares Enca Haxhia, e cila i ka marrë me sportivitet këto lajme dhe nuk është ndikuar aspak nga fjalët e thëna për të.
Megjithatë, një foto e këngëtares shqiptare është publikuar ditën e sotme në median prestigjioze “Daily Mail”.
Artikulli ku qëndronte fotoja e Encës përmbante foto të personazheve të huaj të showbiz-it, të cilët “mashtronin” publikun me photoshop në pozat e tyre në rrjete sociale.
Në foton kryesore të artikullit shfaqej Enca në dy poza, njërën të paedituar dhe tjetrën të edituar dhe të publikuar në Instagram.
“Mashtrim Instagram-i, modelet e rrjeteve sociale të njohura për editim të tepruar të fotove të tyre.”- shkruhet në titullin e artikullit ku Enca në fakt llogaritet si një modele.
Megjithatë, në mbrojtje të të gjitha femrave, gjithkush dëshiron të tregojë anën e tij më të mirë kudo, ndaj nuk është krim pak modifikim për t’u dukur më mirë. Pastaj, edhe këndet e shkrepjes së fotos bëjnë të vetën.
Nuk mendoni edhe ju kështu?
