Pas mbrëmjes së djeshme, ku u ndjenë lëkundje sizmike me magnitudë 3.1 rihter, të tjera lëkundje tërmeti janë ndjerë ditën e sotme.
Një tërmet ka lëkundur qytetin e Durrësit dhe sipas të dhënave, lëkundjet kanë qenë në thellësi të detit Adriatik me magnitutë 3.3 rihter.
Tërmeti ishte 42 kilometër nga qyteti i Durrësit, me thellësi 2 kilometër.
Fatmirësisht nuk raportohet për dëme materiale.
Sipas ekspertëve, lëkundjet e tërmetit të fuqishëm të 26 nëntorit do të vazhdojnë të ndjehen për disa muaj, ndaj nuk ka vend për panik
Më 26 nëntor, Shqipëria u godit nga një tërmet 9 ballë i shkallës Rihter, i cili u mori jetën 51 personave dhe dëmtoi qindra shtëpi, duke shkaktuar një dëm të konsiderueshëm ekonomik.
Në muajn shkurt, BE mblodhi një fond prej 1.15 miliardë eurosh, midis të cilave dhurime dhe borxhe me interes të ulët, të cilat do të shkojnë për programin e rindërtimit.
