Në gusht të vitit që lamë pas, u bë e ditur se dy aktorët e famshëm të serialeve turke, Beren Saat dhe Kıvanç Tatlıtuğ, të njohur si “Bihter dhe Behluli”, do të riktheheshin sërish në ekran.
Kësaj here, ata do të merrnin pjesë në një serial për Netflix, i cili do të përfshinte skena të nxehta dashurie.
Pikërisht roli i Beren Saat në këtë serial ka ngjallur argumente të shumta tek publiku.
Aktorja turke Tuba Buyukustun, e njohur si “Syhan”, ironozoi Beren për rolin e saj, duke thënë se nuk do të luante kurrë skena të tilla.
Mirëpo, kolegia e Beren në serialin “Dashuri e ndaluar”, Hazal Kaya, e njohur si “Nihali”, i ka dalë në mbrojtje aktores.
Ajo ka treguar sa e vështirë është të luash një rol të tillë, duke e vlerësuar Beren-in për punën e saj.
“Teleshikuesit mendojnë se ne i shijojmë skenat me puthje apo më shumë se kaq. Por në të vërtetë ne jemi shumë nën presion dhe në siklet të madh. Ndonjëherë as nuk i realizojmë dot ato skena, por teleshikuesit nuk e dinë këtë. Nga eksperienca që kam patur me Berenin, ajo është një vajzë shumë kreative dhe e turpshmë. Nuk i ngjan aspak rolit në serialin “Dashuri e ndalur”. Ka qenë e vështirë për të që të luante rolin e një femre që tradhëtonte burrin. Tani që jam e martuar e kuptoj akoma më mirë. Një aktore e martuar e ka më të vështirë në këto situata”- u shpreh “Nihal” për aktoren.
