Gjykata e Tiranës ka caktuar masën “arrest në shtëpi” për ish-futbollistin Klodian Duro, i cili u arrestua nga Policia e Tiranës për shkelje të urdhrit të mbrojtjes dhe për kanosje.
42-vjeçari sipas burimeve pranë policisë u denoncua nga ish-bashkëshortja, e cila kërkoi ndihmën e policisë që të ndërhynte.
Kjo e fundit e kishte akuzuar vazhdimisht ish-futbollistin për dhunë fizike e psikologjike, si dhe kanosje nëpërmjet SMS-ve.
Pas divorcit, ajo kishte marrë një urdhër mbrojtjeje, ndërsa në momentin që Duro ka shkuar në shtëpinë e saj, ish-bashkëshortja ka njoftuar menjëherë në telefon policinë.
Duro ka thënë se kishte shkuar thjesht për ta takuar.
Ish-futbollisti i Kombëtares gjithashtu kishte thyer urdhrin e qeverisë për ndalimin e qarkullimit, si masë për të parandaluar përhapjen e Covid-19.
/Iconstyle.al
