Një mjek kirurg është nxjerrë jashtë nga banesa me qira, sepse pronarja e tij kishte frikë se do t’ia sillte koronavirusin në shtëpinë e saj.
Joseph Alsousou punonte në dy vende, në Qendrën Ortopedike Nuffield dhe Spitalin John Radcliffe në Oksford, ndërsa ishte duke qëndruar në një shtëpi me qira në Headington që nga gushti.
Pasi iu kërkua të largohej, kirurgu tha se udhëtoi për tre orë në lot për në shtëpinë e familjes në Merseyside, pasi nuk kishte ku të shkonte.
Dr. Alsousou tha që pronarja e shtëpisë fillimisht i dha atij 28 ditë kohë për t’u larguar përmes postës elektronike.
Por të hënën, 43-vjeçarja “ndërroi mendje” dhe i tha se dëshironte që ai të largohej sa më shpejt që të ishte e mundur.
“Unë shkova në shtëpi, sepse nuk kisha askund tjetër për të qëndruar. Unë u largova në lot gjatë gjithë rrugës”.
“Zonja ku jam tani me qira tha që do të preferonte të kishte një doktor në shtëpi në këtë situatë”, u shpreh mjeku, i cili tashmë ka gjetur një vend për të jetuar.
Pronarja e banesës ku jetonte fillimisht kirurgu është shprehur në kushtet e anonimitetit për BBC, se kishte një ankth të madh dhe këshilla nga mjeku i saj për të mos e ndarë banesën me askënd tjetër.
/BBC
