Virusi vdekjeprurës Covid-19 ka përhapur panik në mbarë botën dhe shifrat e tij po rriten ndjeshëm edhe në vendin tonë.
Qeveria ka vendosur masa të rrepta, ndër to ndalimin e qarkullimit pa asnjë arsye, ndaj të gjithë janë izoluar në shtëpi.
Personazhet e njohur publikë po ndajnë në rrjete sociale momente të karantinës së tyre, duke hapur edhe sfida me njëri-tjetrin për të kaluar më këndshëm kohën në izolim.
Kryebashkiaku i Tiranës, Erion Veliaj, ka treguar me një fjali të vetme si po shkon karantina e tij, teksa është izoluar në shtëpi me bashkëshorten, Ajolën dhe vogëlushin e tyre Kajan.
Në një video të publikuar nga Ermal Mamaqi në Instagram, ku shfaqet një prind me fëmijën e tij, Veliaj komenton:
“Po ju sa në ditë po ndërroni lal, se unë po thyej rekord.”- shkruan kryebashkiaku duke iu referuar pelenave të të voglit.
Duket se e gjithë koha e Veliajt po kalon me Kajan, i cili tashmë ka 24 orë vëmendjen e prindërve të tij.
Ndërkohë, Ministria e Shëndetësisë ka përditësuar sot të dhënat mbi situatën e koronavirusit në Shqipëri, duke bërë me dije se ka arritur në 146 numri i të infektuarve, me 23 raste të reja në 24 orë.
Shpërndarja gjeografike e rasteve pozitive, është si më poshtë:
- Tiranë 83 qytetarë
- Durrës 9 qytetarë
- Lushnje 4 qytetarë
- Elbasan 3 qytetarë
- Fier 14 qytetarë
- Rrogozhinë 2 qytetarë
- Kavajë 4 qytetarë
- Korcë 11 qytetarë
- Vlorë 5 qytetarë
- Shkodër 3 qytetarë
- Lezhe 4 qytetarë
- Berat 1 qytetarë
- Has 2 qytetarë
- Krujë 1 qytetar
