Aktorja e njohur për rolet tek “Doctor Who”, “Underworld” apo “Moonlinght”, Sophia Myles së fundmi ka humbur babain e saj.
Peter Myles u nda nga jeta për shkak të koronavirusit dhe aktorja ka ndarë në Twitter foton që na emocionoi të gjithëve.
Ajo ka publikuar foton e fundit nga spitali me të atin, i cili ka aparatura në trup.
Sophia shihet teksa e përkëdhel të atin në ballë dhe mban të veshura të gjitha masat e duhura për t’u mbrojtur.
Në mesazhin e saj, aktorja thotë se do të publikojë në rrjetet sociale momentet e fundit të jetës së të atit për të dhënë një mesazh për të gjithë.
“Dje përshkrova një udhëtim për të parë babain tim. Ky është realiteti i rëndë i Koronavirusit. U prehsh në paqe Peter Myles. Babai im I dashur ndërroi jetë pak orë më parë. Ishte Koronavirusi që e mori prej nesh”, shkruan aktorja.
