Për shkak të situatës së vështirë, qeveria greke ka marrë disa vendime për qytetarët.
Ministri i Financave greke ka bërë me dije se do të ofrojë 800 euro kompesim për të gjithë punonjësit që u është mbyllur puna për shkak të masave që janë marrë për Koronavirusin.
Në deklaratën e tij, ministri i Financave, Christos Staikouras tha se të gjithë punonjësit do e marrin kompesimin në fillim të muajit prill.
Ai shtoi se nga kjo do të përfitojnë rreth 500 mijë punëtorë dhe kostoja do të shkojë 400-450 milionë euro.
Ai shtoi se shteti grek do të mbulojë plotësisht sigurimet shoqërore, pensionet dhe shëndetësinë për punëtorët.
Sigurimet do t’u paguhen në bazë të pagës që merrnin nga pronarët.
Ministri i Financës tha se punonjësit që u janë mbyllur punët, gjithashtu do të kenë lehtësim edhe në taksa.
Për 4 muaj nëse nuk do të kenë mundësi ata nuk do të paguajnë taksa.
