Ekspertët ngrenë alarm: Ibuprofeni dhe ilaçet anti-inflamatore nuk duhet të përdoren kundër Koronavirusit

Ministri i shëndetësisë në Francë, Olivier Veran, i cili është një mjek i kualifikuar dhe neurolog, ka dhënë në Twitter një mesazh të rëndësishëm për të gjithë dhe thotë se paracetamoli është i vetmi ilaç i këshilluar.

“Marrja e anti-inflamatorëve si Ibuprofen, kortizon, mund të jetë një faktor në përkeqësimin e infeksionit. Në rast se keni ethe apo temperaturë përdorni paracetamol. Nëse tashmë jeni duke marrë ilaçe anti-inflamatore, këshillohuni me mjekun tuaj”, shkruan ai.

Profesionistët e shëndetit venë në dukje se ilaçet anti-inflamatore janë të rrezikshme pasi ulin përgjigjen e sistemit imunitar të trupit.

Prandaj, para se të merrni një mjekim konsultohuni me mjekun paraprakisht, mos përdorni çdo gjë që dëgjoni lart e poshtë!