Një grua 73-vjeçare ishte viktima e parë nga Koronavirusi dhe të gjithë mjekët e Spitalit të Durrësit ku ajo qëndroi iu nënshtruan një testi.
Ditën e sotme, njëri prej mjekëve që i shërbeu pacientes që ndërroi jetë ka rezultuar i infektuar me Covid-19.
Megjithatë, gjendja e mjekut është stabël, nuk ka shfaqur asnjë simptomë të virusit dhe po
Njoftimi nga ministria:
Siç ju kemi bërë të ditur në daljet e mëparshme, pas testimit të kampionit të parë të 50 mjekëve dhe infermierëve në spitalin e Durrësit të cilët rezultuan negativë, ISHP ka vazhduar me gjurmimin e kontakteve, marrjen dhe testimin e mostrave të reja të stafit mjekësor në Spitalin Rajonal Durrës.
Në bazë të rezultateve që tashmë kanë dalë, nga kampioni i dytë i mostrave të marra, 39 mostra të mjekëve, infermierëve dhe pacientëve, vetëm 1 mjek rezulton pozitiv, i cili nuk ka simptoma, aktualisht është i vetëizoluar dhe po hulumtohet më tej. Gjithsej janë kryer 89 testime në spitalin e Durrësit.
Deri tani, në vendin tonë numërohen 33 persona të prekur nga Koronavirusi në Shqipëri, 10 prej të cilëve u konfirmuan vetëm ditën e sotme.
