Pezullimi i procesit mësimor për 2 javë pas identifikimit të rasteve të para me Koronavirus në vend, do të prekë më së shumti maturantët shqiptarë që po përgatiten për provimet.
Ministrja e Arsimit, Besa Shahini ka njoftuar përmes një postimi në Facebook se gjatë kësaj periudhe të ndërprerjes së procesit mësimor, maturantët duhet të punojnë me dy libra që janë përmbledhje e testeve të bëra gjatë viteve 2011-2019.
Besa Shahini shkruan se këto libra do t’ju vijnë në ndihmë maturantëve për t’u familjarizuar me natyrën e testeve dhe për të mos i lënë pas dore mësimet.
Postimi i plotë i ministres së Arsimit:
Për maturantët:
Gjatë periudhës së ndërprerjes së procesit mësimor, punoni me librat e Maturës Shtetërore, që janë përmbledhje e testeve dhe skemave të vlerësimit për gjuhën e huaj, matematikën dhe lëndët me zgjedhje për vitet 2011-2019.
Këta libra ju vijnë në ndihmë për t’u familjarizuar me natyrën e testeve dhe të pyetjeve që përdoren në këto teste.
Matura Shtetërore, Gjuha Shqipe dhe Letërsia:
http://qsha.gov.al/infos/gjuhe_shqipe.pdf
Matura Shtetërore 2019, teste dhe skema vlerësimi, gjuhët e huaja, matematika dhe lëndë me zgjedhje:
http://www.qsha.gov.al/…/matematike_lende_zgjedhje_gjuhe_hu…
