Një histori tepër prekëse u soll sot në programin “Dua të të bëj të lumtur”.
Që në fëmijëri Stela ishte diagnostikuar me spina bifida, një sëmundje e cila i kishte sjellë probleme në të ecur.
Familja e kishte dërguar për kurim në Greqi, por fatkeqësisht nuk kishte pasur sukses.
Vajza gjithmonë kishte luftuar që të realizonte ëndrrat e saj, ku një ndër to ishte që të bëhëj këngëtare dhe të performonte në një skenë të madhe.
Për të realizuar këtë dëshirë të saj Violeta kishte zgjedhur programin “Dua të të bëj të lumtur”.
“Mami do të jetë gjithmonë pranë teje, por nuk e di se si të kam lënë që të jetosh vetëm. Në momentin e parë që nuk ndihesh mirë, unë do të vij direkte tek ti. Të dua shumë!”, ishin fjalët e saj për të bijën.
Misionit të mamasë për të realizuar këtë ëndërr iu bashkua edhe këngëtarja e mirënjohur dhe tepër e dashur për publikun shqiptar, Kida e cila ishte dhe një ndër artistet më të pëlqyera të Stelës.
Kida e ndihmoi Stelën që të realizonte dëshirën që kishte, duke performuar së bashku me të hitin “Rikthejm na” dhe e ftoi që ta këndonin përsëri live në një nga koncertet e saj.
