Koronavirusi ka marrë përmasa të frikshme dhe është kthyer në makth për të gjithë botën.
Sipas raportimeve të fundit, kanë ndërruar jetë më shumë se 3400 persona dhe të infektuarit rriten nga dita në ditë.
Deri më tani nuk është gjetur ende një vaksinë kundër virusit vdekjeprurës dhe shpresat ishin tek temperaturat e larta.
Sipas ekspertëve, virusi nuk reziston dot në temperaturën mbi 23 gradë dhe sipas parashikimeve në stinën e verës do të zhduket.
Por, në deklaratën e fundit të dhënë nga OBSH thuhet se kjo nuk është e vërtetë.
“Duhet të themi se virusi do vijojë të përhapet dhe nuk do zhduket në verë, si gripi sezonal. Është një shpresë e kotë të themi ‘po, kjo do të ndodh’ sepse momentalisht nuk kemi asnjë shenjë që të na e vërtetojë këtë gjë. “- ka deklaruar Mike Ryan, drejtori ekzekutiv i Programit të Emergjencës së OBSH.
