Studenti i quajtur Jonathan Mok, nga Singapori, është dhunuar barbarisht nga një grup të rinjsh në rrugët e Londrës.
Ata e kanë goditur 23-vjeçarin me grushta në fytyrë, duke e quajtur “koronavirus”.
Njëri prej djemve i është drejtuar studentit me fjalët “Nuk e dua kornavirusin tënd këtu”.
Jonathan Mok ka një baba anglez dhe një nënë kineze dhe ka jetuar dy vitet e fundit në kryeqytetin britanik dhe kjo nuk është hera e parë që ai është ndeshur me episode racizmi për shkak të origjinës.
Vetë Jonathan ka publikuar fotot e tij në internet, ku tregon si është katandisur pas sulmit të djemve.
Ai mund të ketë nevojë edhe për ndërhyrje kirurgjikale për të rikuperuar pamjen e tij.
