Ora 15:30 Viktima e shtatë e Koronavirusit është një 80-vjeçar nga Castiglione d’AAdda.
I moshuari testoi pozitivisht për Koronavirusin dhe vdiq në spitalin Sacco në Milano.
Të enjten e kaluar ai ishte dërguar në spital për një atak në zemër.
Corriere.it shkruan se shtrimi i tij ndodhi në të njëjtën ditë kur mbërriti 38-vjeçari i cili ishte pacienti i parë i testuar pozitivisht për virusin.
Ora 15:15 –Itali/ Shkon në gjashtë numri i viktimave nga Koronavirusi
Ka shkuar në gjashtë numri i vdekjeve nga Koronavirusi në Itali ndërsa 229 janë të infektuar.
Viktimat janë të gjithë njerëz të moshuar me një pamje klinike të kompromentuar më parë. Një grua nga Crema që ishte transferuar dje pozitive me Coronavirus vdiq në Spitalin Civil të Brescia-s.
Lombardia është rajoni me numrin më të madh të rasteve, deri më tani 172. 27 të prekur janë regjistruar në Veneto, 18 në Emilia Romagna, 4 në Piemonte dhe 3 në Lazio.
Ora 12:26 Shënohet viktima e 5-të në Itali, njerëzit zbrazin supermarketet! Dalin pamjet e trishta!
Modena, Venecia, Parma, Milano janë më bosh se kurrë pasi rrugët janë zbrazur nga frika e Koronavirusit që është përhapur në Itali dy ditët e fundit.
Videot e shumta të xhiruara në supermarkete në të gjithë Italinë Veriore tregojnë rreshta të gjata karrocash dhe raftesh krejtësisht të zbrazët, në vijim të më shumë se 200 rasteve të konfirmuara të Koronavirusit.
Gjatë konferencës së përditshme për shtyp, kreu i Mbrojtjes Civile dhe Komisioneri i jashtëzakonshëm i Emergjencave, Angelo Borrelli shpalli viktimën e pestë në Itali.
“219 janë infektuar dhe 5 kanë vdekur, një vdekje është shënuar kohët e fundit në Lombardi, një burrë 88-vjeçar nga Caselle Landi”, tha ai.
https://www.instagram.com/p/B88mmACD8iV/
Në të gjitha rastet, këta janë njerëz të moshuar me një pamje klinike të përgjithshme të komprometuar më parë. I ndjeri në Bergamo ishte shtruar me ditë në spitalin “Papa Giovanni XXII”.
Borrelli konfirmoi se infeksionet dhe vdekjet gjithmonë i referohen rasteve të identifikuara tashmë.
/Reppublica.it
